कविता "झरी"

कविता "झरी"
झरी बनि बर्ष तिमी सुख्खा धर्ती रुजाउँन ।
धूलो धूवाँ बगाउँन मन्को खुसी सजाउँन ।।
कतै फूल फक्रिनेछ कतै बाली टुसाउँनेछ ।
आशा भरि प्रकृतिमा खुसीयाली सुसाउँनेछ ।।
मन्द मन्द मुस्कानमा मन्को लाज लजाउँन ।
झरी बनि बर्ष तिमी सुख्खा धर्ती रुजाउँन ।।

सारंगीको धून जस्तै रेट्दै मन्का तारहरु ।

मिठो गीत संगीतमा झुम्दै लज्जा झारहरु ।।

कोमल त्यो स्पर्शलाई मनै भरि फुलाउँन ।
झरी बनि बर्ष तिमी सुख्खा धर्ती रुजाउँन ।।

झरी बनि बर्ष तिमी सुख्खा धर्ती रुजाउँन ।
धूलो धूवाँ बगाउँन मन्को खुसी सजाउँन ।।
     

 मधुश्री
२७ असार २०६७