मधु वाणी: गजल

Showing posts with label गजल. Show all posts

Tuesday, March 27, 2012

जति रुन्न भने पनि एकान्तमा रुन्छ मन

पीडा दिँदा अरुलाई छिया-छिया हुन्छ मन

लानु छैन केही सबै छोडी जाने

एकसरो सेतो ओड्ने ओडी जाने

कति रुन्छौ तिमी हारी आफ्नै अघि

मन धुजा-धुजा पारी आफ्नै अघि

पछि-पछि कुरा काट्ने बानी साह्रै खराब हो

दिएजस्तो गरि चाट्ने दानी साह्रै खराब हो

तिमी हामी सँगै हिड्या, बाटो आज फेरिएछ

कतै बल्झ्यो घाउ कतै खाटो आज फेरिएछ

बाचा साँचो गर्दै थिएँ, अघि पछि सर्दै थिएँ

आशा थोरै छर्दै थिएँ, भिरपाखा चर्दै थिएँ

मेरा लागि मर्छु भन्थ्यौ, मेरै पूजा गर्छु भन्थ्यौ

बास यतै सर्छु भन्थ्यौ ,सबै दुःख हर्छु भन्थ्यौ