गीत-"हामी नेपाली"

हामी आफैँ श्रम गरी सजाउँनेछौं देश हाम्रो ।
पसिना र सिप घोली रंग्याउँनेछौँ देश हाम्रो ।।


सँगै ईँटा पोल्छौँ कतै सँगै गारो लाउँछौँ हामी ।
नभएत भोकै बस्छौँ हुँदा बाँढी खान्छौँ हामी ।।
सानो ठूलो भन्नु छैन समानता सत्य राम्रो ।
हामी आफैँ श्रम गरी सजाउँनेछौं देश हाम्रो ।



यौटा दुख्दा देश दुख्छ हाँस्दा हाँसो छाउँछ सँगै ।
बैरीहरू बिलाउँदै खुशीयाली आउँछ सँगै ।।
दास हुन्न मालिक नि मात्र नेपाली हो राम्रो ।
पसिना र सिप घोली रंग्याउँनेछौँ देश हाम्रो ।।


मित्रता र मानवता गाँसी माला बनाउँनेछौँ ।
हात माथि हात राखी आफ्नोपन जनाउँनेछौँ ।।
हृदयमा प्रेम भाव उमारेर सार्छौ हाम्रो ।
हामी आफैँ श्रम गरी सजाउँनेछौं देश हाम्रो ।


मधुश्री
८ असार २०६७