गजल
बाचा साँचो गर्दै थिएँ, अघि पछि सर्दै थिएँ
आशा थोरै छर्दै थिएँ, भिरपाखा चर्दै थिएँ
हूरी आयो, दह्रो पाऊ नटेकी नै उडि गएँ
कता पुगेँ झर्दै थिएँ, भव-कुण्ड तर्दै थिएँ
धर्ती छुँदा, मेरो माटो, बाटो थे'न अर्कै पाएँ
लाग्यो कष्ट हर्दै थिएँ, खण्डहर भर्दै थिएँ
सबै माझ वाह-वाह, हाई-हाई भएँ आमा
सम्झेँ बाँचे, मर्दै थिएँ, संकटमा पर्दै थिएँ
मधुश्री
२३ माघ २०६८
Gajalrupee phoolharu phuldai6n ramro lagyo di, सबै माझ वाह-वाह, हाई-हाई भएँ आमा
ReplyDeleteसम्झेँ बाँचे, मर्दै थिएँ, संकटमा पर्दै थिएँ yo malai manpareko sher ho. -Pagal Yatree